不是玩的

港股近期勢弱, 主要原因不是什麼美國將會收水, 而是國內經濟不穩, 不穩之如, 應該放水, 而不是學人收水, 不是說黑仔強是念經濟出身的嗎? 咁簡單的道理都不懂, 讀屎片的嗎? 

上午上證已收市, 真是弱到無朋友, 由上升超過一個巴仙, 或二十九點, 到收市只升七點, 或零點四巴仙, 有無攪錯? 跌就幾個巴仙咁跌落去, 上升就無晒氣, 還不做嘢, 等待何時? 

股民投錢入股市, 以現在來講, 不像零七年時, 是投機, 是盲目, 是真的為了投資, 為資本增值, 就算你共產黨當股民是投機, 那麼, 社保基金的錢又點計? 是為了人民退休之用, 對不對? 

遠的不計, 由零七年開始投入的錢, 到現時, 試問是升值還是貶值? 幾年下來, 股市根本無升過, 長線投資在國內股市, 根本就是得啖笑, 喂, 大佬, 人家的錢有血有汗的, 不是玩的, 明嗎? 

之前國進民退, 已令民間企業受傷害, 好了, 你要扶持國企, 令它們做大做強, 現在呢, 又點? 銀行有事、無水, 你又話自己不是奶媽, 闊佬懶理, 咁, 當初你就唔好左又管、右又管啦.  

共產黨, 真是無興的. 見上證雖升少, 但始終有升, 算啦, 唔講粗口了.