06-06-2014 甲午年五月初九日 (芒種)

前說恆指隨時見頂, 相信星期二的高位二萬三千三百多點就是頂位, 又說過下調應有一千點, 所以恆指應會跌到二萬二千三百點左右, 若真是跌到此位附近, 要買入第一注, 好等之後的收成,

當然未必唔會再跌, 但最好不要跌穿二萬一千五百點, 更加不可跌穿二萬零八百至二萬一千點點, 否則整個形勢將被破壞,

大國面臨嚴重的危機, 所以中資股應避開, 所謂的滬港通不是入市時, 而是出貨期, 最好趁人人憧憬滬港通上升之時, 大家要把握時機出貨,

歐洲已盡出招數, 若都救不了經濟, 可以好大件事, 不要最迷信什麼歐版QE, 不會成功的, 美國都是勉強得, 日本已唔掂, 歐洲也會步日本的後塵, 如果有門路買遠期的認沽期權, 不妨買些少, 以小博大, 持有半年以上, 應該利潤唔錯,

美股持續上升, 事緣有貨者不敢沽, 因怕沽後買唔返, 當人人都是好友時, 大戶現金又所餘不多時, 誰還可以推升大市, 現在是唔買股唔得, 不過, 另一泡沫正在形成, 一旦爆破, 又不知有多少人葬身股海.