大戶正仆街

臨近結算, 港股真是陰陽怪氣, 今天期指開市, 一分鐘內由二萬二千六百三十點, 升到全日最高位二萬三千零五十五點, 足有四百多點, 認真誇張, 也證明大戶的凶狠, 若昨晚沽了期指, 今天見如此勢頭, 很易嚇到平倉走人, 咁就報都無得報, 大戶正仆街, 又一實例,

明天期指結算, 會不會又來一個像今天的突襲? 難講! 美股今晚因假期休市, 照計不會影響香港, 但亦因無市, 明天大戶又可以為所欲為, 尤其近日成交薄弱, 大戶要攪嘢, 易過借火,

歐洲股市有些「神經佬」, 因土耳其射落俄羅斯戰機而下跌, 過了一天又像無事一樣, 回升超過一巴仙, 現在仍升, 真是費解, 證明大鱷處處有, 如果玩即市, 真是人都癲, 小心,

波動市, 好蝦人, 近期都是炒波幅, 十二月應也不會有明顯的突破, 要明白自己在炒, 所以有糊就要食.