玩嘢

本來豬家族已就「神話豬」的債務達成協議, 點知「神話豬」的代表話要將協議交給全家表決, 攪到豬家族的大阿哥「紅酒豬」及大阿姐「肉腸豬」無晒癮. 而攞住「神話豬」的欠單的債主, 當堂被玩起. 

很多人以為「神話豬」的代表發豬瘟, 當然不是啦, 佢只要想攞啲着數而已, 不過, 俾佢咁攪一攪, 全世界的金融市場都亂了套.

其實今次又怪不得「神話豬」的, 「紅酒豬」都有責任, 佢嗰個代表「殺你科」接受公仔箱訪問時說, 當初接納「神話豬」入聯盟是一個錯誤, 人家「神話豬」條氣梗係唔順啦, 要明白人家是你們豬家族文明的發源地嚟的. 

還有嗰個「殺你科」又話「神話豬」的債務, 佢哋「豬家族」可以攪掂, 但就唔介意「大熊貓」幫手, 依啲就叫做「攞咗便宜買口乖」了, 如果你是「大熊貓」會不會幫呢, 有腦的, 都唔會啦, 咁老襯. 

最新消息又話「神話豬」可能不舉行公投了, 皆因形勢比人弱. 而大鱷魚所編排的劇本也會照原先的進行, 熊仔要小心.