上星期我表示在19700-20100之間, 形成了一個新的蟹貨區, 如不能迅速回升20200之上, 都幾麻煩, 今個星期反彈, 但只升到19640點, 連19700都去唔到, 跟住就是急速回跌.
之前我都講, 基金不一定要追貨來粉飾業績, 也可以沽落去, 等自己的基金不用跑輸大市太多, 所以有些分析員或財演的話, 聽過就算, 不要當真.
歐債危機揮之不去, 相同的藉口不斷困擾大市, 港股由上星期的二萬點左右, 跌到今日, 跌幅超過一千五百點, 咁, 何處有支持?
以黃金比例來計, 上次低位在16170, 升到20272點之後回調, 即升了4102點, 回調0.5即2051點, 可以跌到18221, 回調0.618即2535點, 可以跌到17737點, 也表示在17700-18200之間應有一定的支持,
所以不妨等跌到這個區域入市買貨, 反彈上望19500左右, 但不要貪心, 有糊要食, 多些現金在袋, 始終好些.
沒有留言:
發佈留言