昨晚美股輕微下跌, 港股低開幾十點後, 迅速回升, 越升越有, 再次創今年新高, 是否如我昨天所講 : 做淡者死? 高位在二萬二千六百八十九點, 嗯, 尾數是六八九, 吉不吉利? 大家自己諗, 我依然未改初衷, 恆指已離頂不遠, 甚至已見了頂,
又傳深港通, 攪到一眾劵商股及港交所大升, 港交所一度衝近二百元, 這個深港通真是麻鬼煩, 講咗咁耐, 仍是只聞樓梯響, 未見下樓人, 而港交所小加說話更玄, 竟講起佛偈,
唔講深港通就是開通近了, 好心, 開就快些開, 拖拖拉拉, 共產黨最喜歡攪呢D嘢,
變態不是常態, 恆指對壞消息完全不理, 更兼逞強, 出得嚟行, 預咗要還, 一旦調整會好傷, 切勿貪勝不知輸, 現時有些散戶已蠢蠢欲動, 只要這些最後的貢獻者都落埋疊, 個市就差不多,
上到二萬三千點不出奇, 但何必為了這四五百點而冒險?
婆婆，今日大戶似唔似係高位平倉？因為兩個星期已經升咗一千點，無論今個星期心講通出台唔出台，大戶都須要借機令大市回調。泰國有恐襲，俄羅斯烏克蘭又有地緣戰爭可能，假如週末再少少特發性事件發生，跌一二千點都不為過分！！利申:持淡倉
回覆刪除我始終認為離頂不遠, 不過, 現時我只玩即市, 因怕了強國突然宣佈深港通, 到時肯定會先升, 而不肯定何時後回, 所以唔玩過夜. 我認為玩期權是最好, 因現時引申波幅但, 等於期權基便宜, 熊證有被收回的風險, 期指過夜則風險高, 認股證則容易被無良發行商縮「窩」.
回覆刪除