05-11-2010 有股唔敢沽

今早一細侄女請我食茶, 她一見我即時問我股票問題, 她說現在她很怕, 我問她怕什麼. 她說她有些股票是之前我叫她買入的, 現在升咗咁多, 唔知點算, 想沽貨又怕市再升, 唔沽又怕市回.

我對她說, 現在沽股很容易蝕章, 皆因QE2一來, 超級資產泡沫正漸漸加大, 最怕沽了貨後買唔返. 我這樣講, 其實自己都感到無奈, 以前就話股貴唔敢買、股平又唔想買, 現在就是有股都唔敢沽, 正如之前有人沽了股或樓, 現在不揼心才怪.

現今的股市恍如瘋癲的世界, 如果你太清醒, 只會招來損失. 想想又真是悲哀, 你不想投資(機), 將錢放在銀行, 因通漲出現, 你有損失, 你投入股市, 若股市逆轉, 你也有損失, 即你怎麼選擇, 都有可能出現虧損, 點好?

我只能講步步為營, 將錢投入股市, 以減低超級通漲招致購買力的消耗, 我現在的做法就是買一切能抗衡通漲的東西 - 股、金、外匯等, 但同時也設好止蝕及止賺位, 一有懷疑, 馬上變回現金.