歧視新移民

這幾天咳到飛起, 加之小友興之所緻幫我更新電腦, 今天是第一次運用新電腦, 現在的電腦可以講一句 – 人面全非, 因除了中央處理器之外, 其餘的一切都是新的, 所以用來真是不同, 不過, 當然都有一丁點的問題, 事關他幫我安裝了OFFCE 2007, 介面有很大分別, 所以要拿本書來學習下.

因以上原因, 幾天無入市, 唔知開邊瓣? 如果你見升買升, 見跌買跌, 你就死火. 有人問我, 匯控公佈業績之後, 股價下跌, 可不可以趁低吸納, 我對他講, 為何要買匯控?

我相信匯控今年內都不會升一百元, 除非大市上升到至少二萬八千點, 所以就算你八十元買, 都只有二十五巴仙的利潤, 如果認為足夠, 我無話可說. 否則, 選擇多得是, 對嗎?

剛才聽了守財奴的最新建議, 佢話唔將六千元注入強積金戶口, 而將之直接派給年滿十八歲的香港永久居民, 年滿十八歲無問題, 為何要是永久居民? 是否歧視新移民? 又如果已居滿六年又十一個月又點算? 點計?

一個政策的推出, 應該要深思熟慮, 而不應倉卒應對, 這個政策一出, 豈不會做成分化? 看他這幾天的表現, 完全是急就章, 毫無章法, 藥石亂投, 一心只想過關就算, 求求其其, 敷衍了事, 唔想做, 就咪做, 大把人想做, 一個月可以攞幾十萬的. 真是廢柴.