今天恆指一度下跌, 而且是先升後跌, 當以為它頂不住之時, 天朝股市卻扮演「及時雨」, 上證指數升近二個巴仙, 終於升穿四千點收市, 令恆指由低位回升超過四百點, 企於二萬七千點之上收市,
無貨風險, 股市現在上升, 但有些人卻不開心, 因手中無貨, 或認為唔夠貨, 唔夠貨都好些, 至少不用眼光光, 手中無貨最傷, 眼白白見旁人賺, 自己就斯人獨憔悴,
所以我時常都叫人利用期權搵食, 如果你認為大市的發展是大漲小回, 又怕高追, 就可以沽出認沽期權, 實行等接貨, 接不到貨, 也可賺期權金, 好過「蜑定雞見水唔飲得」, 但人有惰性, 就是唔肯行出第一步, 藉口多多, 真是有金俾你拾, 你又拾輸啦,
好像我之前買賣美股是用ETRADE,
但有人介紹可用IB, 佣金更平, 而且一個戶口可以買賣不同國家, 所以上星期立即開戶, 今個星期寄支票,
下星期就可用,
講過支票, 不能不提銀行, 今天有事, 要親自到銀行櫃位攪, 點知果個小姐什麼都不懂, 轉帳要付手續費, 但她連需要多少手續費都說不清, 初初又話七十五, 後來又變成一百九十,
玩吓? 如此銀行, 難怪股價升唔起, 是那間銀行? 匯豐是也,
至於另一活實, 渣打銀行昨天也被股民投訴落唔到盤, 股市「三文治」個間寶號都是, 其實股市一旺, 多有這種情況出現, 之前都見唔少, 所以我奉勸大家, 最好就是有二手準備, 蛋不要存於同一個籃, 同樣, 買賣股票, 都不要只有一個戶口, 至少二個, 我就有三個證券戶口, 一個銀行戶口, 都可買賣股票,
若遇落盤難之時, 也不用手忙腳亂, 對不?
今天看報有位天朝畫家因在國泰航機上向空姐潑水, 被香港法庭判罰六千元, 強國人果然不同, 雖他自說月入逾百萬強國幣, 也不甘心六千元, 所以必會上訴云云, 又表示不會再搭國泰, 我真心希望他身體力行, 更希望他「唱衰」國泰, 令強國人自此不搭國泰, 那麼我等視國泰為第一首選的港人, 就有好日子過了, 至少想在機上睡一會,
也不會被無端吵醒.
沒有留言:
發佈留言