大龍鳳

昨晚歐洲出現大龍鳳, 因印銀紙不合預期, 不單歐元急彈, 也令歐洲股市急挫, 是否有點過敏? 歐洲不是不量寬, 只是規模不合大戶的預期, 就引發掟貨, 認真誇張, 而歐元的急升, 不若說是殺淡倉好過, 昨天歐元曾到一點零五五左右, 之後輾轉升到一點零九五左右, 買錯邊而又滿倉的, 死咗都唔知怨邊個?

所以話, 一言興邦, 這些控制經濟的官員, 是可以令你傾家蕩產的, 而且神係佢鬼又係佢, 之前的言論令歐洲股市升不少, 現在又令跌不少, 所以很多人都在大消息發報前沽貨離場, 下次, 要記得了, 寧願賺少, 也不可太冒險.

都說港股難玩, 每次都是差不多, 一早升定或是跌定, 跟住就好像被點了穴, 唔多郁, 今天也是一樣, 低開之後, 一小時之內見了低位, 之後就可以收工, 不論是好是淡, 都在一小時內解決, 多好? 不用再浪費時間, 對不?

國指要小心些, 大陸唔肯跌, 而外資又對大陸無信心, 只好沽國指, 所以差價不斷拉闊, 國指的走勢很差, 小心它拖累恆指, 恆指就有友邦待股頂住, 但頂得多久, 今天的沽空額創了近期新高, 要小心, 若今晚美股再跌, 相信下星期一又會再挫, 到時牛仔能否再可避一劫?