美股在香港放假期間沒有太多變動, 但無阻淡友攻勢, 港股越跌越有, 收市時下跌超過三百點, 成交因財險配股而上升,
上星期我講恆指下跌第一目標在二萬零五百點左右, 今天跌穿二萬零七百點, 會否試試二萬零五百點?
若大家相信現在是牛一, 那麼應在恆指跌近二萬點左右買貨, 否則都是靜觀其變,
現時我買貨只看週線及月線圖,
短炒就看日線圖, 而週線圖及月線圖並未顯示入貨訊號, 所以會等, 至於短炒就唔同, 個股已跌到入市位,
所以我今天用衍生工具來買, 而手持的淡倉, 上星期五平了一半, 今天再平一半中的一半, 即二十五巴仙.
近日貨幣市場認真混亂, 上星期日本按兵不動, 已經攪到沽日元者元氣大傷, 估不到今天澳洲減息, 令澳元大跌超過一巴仙, 玩外匯的朋友都知, 一巴仙的殺傷力很大, 今天又不知有多少人企錯邊而傷了荷包, 所以搵食真是艱難.
婆婆，全世界係度打貨幣戰爭，資金流向又影響股市，會唔會買金安全D?
回覆刪除另外我覺得諗美國佬做事一定要用陰謀論，美聯儲同媒體不斷吹淡風6月加息機會細，令美匯指數由100跌番落92，日元就因美元加息機會細同負利率由120升到103。美國就借美元低推動出口，日本亦不可能維持強日元令自己經濟進一步走低。我相信日本這個美國跟班是完全配合美帝準備6月加息做一場戲，為美帝做提款機。
回覆刪除stephen, 若你相信美國六加息, 就不宜買金, 短炒除外. 至於美國六月會不會加息, 難講. 我始終認為美國加息是要對付天朝的, 所以定會加息, 我亦認為天朝經濟會因美國加息而崩潰.
回覆刪除