轉強?

12月5日

期指收13870升350點, 國期收7420升183點, 成交58574及33796張, 總成交373.38億

我阿春近期可能驛馬星動, 今日晨漆咁早就上了深圳, 皆因茶莊老板見我久召不至, 前二天又打來追魂call, 叫我及早去將新到的秋茶買走, 於是今早我就冒着寒風北上, 一到茶莊, 莊主馬上捧上四五種不同的鐵觀音出來, 要我試完一種又一種, 足足試了近個半小時, 之後又等她包裝, 總共花了二個小時才走得. 跟住又去了吃午飯, 吃完飯又去買了一些東西, 差不多到了晚上八點才回到家.

咁晚才回到家當然是沒有時間看市, 回家上網一看, 完全出乎我意料, 港股竟然升, 而且是開市到收市, 一路保持升勢, 真是有點莫名其妙, 今日亞洲股市因美股昨晚下跌所拖累, 今早全線下跌, 我都以為港股會下跌, 至少開市時段會跌, 點知咁強. 我估計可能是國內股市做好所帶動, 近來國內股市好像轉強, 未知能否持久,如未能, 而美股又唔生性, 港股就危了.

不過, 有一利好型態在國期出現, 就是今天國期上破了50天線, 這是一個重大的利好訊息, 希望它能保持, 這樣就能再挑戰更高的阻力位了. 而H股轉強, 唔多唔少也會帶動恆指的, 如H股能保持此勢, 恆指有望挑戰50天線. 昨天才說它弱, 點知今天馬上轉強, 真是利害, 佩服佩服. 而我相信受惠的股份主要應是中人壽、工行及建行, 如持有上述股份的網友, 大可推高止賺位, 未有貨也不妨投機買入少許, 博賺10%應該不難.