初現阻力

12月9日

期指收14755跌323點, 國期收7994跌209點, 成交73664及45245張, 總成交569.27億

今天國內股市回套, 加上昨天港股升過籠, 且大市已升近阻力位, 致令今天港股回調, 我認為15500-15600之間的阻力非常大, 不是輕易能上破的, 初步的阻力已出現, 大家要留神一點. 何況在此區域, 蟹貨重重, 之前在此買貨的人都會趁機沽貨, 而不是等再升, 更遑論買貨了.

今天是以跌開市的, 但不久就返回其上, 大市倒升, 而且更造了全日高位15207出來, 走勢都好蠱惑, 當大家以為它會再闖之際, 它就反覆下跌, 如果於此時追貨, 已經被擒了. 所以昨天我叫大家不要追貨.

之於大市會否再升呢, 我始終相信, 大市就算再升多幾百點都是不是唔可能, 不過我就不會追了, 風險高而值博低, 唔值得為了一丁點的利潤而冒險, 相反, 你一追入又做蟹, 你會怎樣? 又後悔? 不如坐埋一邊, 睇嘢好過.

大家應該注意的是50天線, 現在大約位於14300左右, 它已由阻力變支持了, 所以要睇到實, 如果它由升轉跌, 兼重加跌穿, 更加可以確定反彈已完, 有貨者應該沽貨止賺了.