繼續殺牛

昨天講殺牛的誘因比較大, 今天恆指下跌比預期大, 相信只是屠牛的延續, 我相信今次恆指下跌, 有機挑戰二百五十天線的支持, 甚至輕微跌穿二百五十天線, 令散戶震撼一些, 大戶才收手.

不過, 我認為下跌並不可怕, 因不下跌, 你何來機會買平貨, 最重要的是, 你要有錢在袋, 否則又是蜑家雞 – 見水唔飲得, 所以我始終都認為不可將全數本金投入股市, 除非你真是、真是、真是非常有信心離底不遠.

近日貴金屬及資源都劇烈波動, 上下波幅嚇親人, 金價再升一千五百美元一安士, 有人話應買, 有人又話唔好買, 唔知聽邊個好. 但我就認為, 貴金屬升到現階段, 已經是開到荼蘼花事了, 再升的機會不是沒有, 而是升幅已經不太吸引了.

至於油價也跌穿一百美元一桶, 但對油股卻有信心, 我認為中石油及中海股值得長線收集, 十元的中石油及十六元的中海油都是值得買入的區域. 而它們今年的目標則是十三元及廿二元.