警號一出現了

2月18日

期指收23829跌447點, 國期收13660跌322點, 成交分別為64727及36001張, 總成交781.16億.

今天的市況有d古惑, 好多人今朝見到日經升, 國內股市又升, 以為港股都會跟住上, 無錯, 大市是升了, 不過唔夠一個小時, 大市就掉頭下跌了. 先升後跌, 同上星期五相反, 大市成交少了, 但期指張數就增加了, 我想今天有些玩即日仙的人, 就被大鱷吃了, 在這個市況, 我認為一動不如一靜好了, 而且重要有一點逆向思維, 大鱷隨時同你玩相反.

今天的港股除了先升後跌, 來一支陰燭外, 10天線終於跌穿250天線, 這是第一個比較重要的警號, 大家不可不防, 不過話分兩頭, 這是第一天, 如果明天迅速反彈, 就不用太擔心了, 但這一訊號如果是持續幾天, 再加上20天線又跌穿埋250天線, 咁大家有貨者就真要考慮減持了(現在20天線同250天線只差100點多d). 而經驗所得, 10天線是不會一下子跌穿250天線的, 它是先掙扎一下才會正式跌穿, 所以大家應該把握時間做好準備.

上個月大戶轉倉的平均價大約是24000左右, 今個月的浪幅約在22450-25200, 高低是2800點左右, 你話夠不夠, 好似少了一點, 升到26000又如何, 勉強可以了, 但25200以上, 蟹貨多, 不是咁容易炒上, 既然做上不容易, 就做落啦, 21800可不可以了, 是不是容易一些? 所以我是比較傾向大市找低多過向上的.

現在我最怕的是大戶做得太低, 我的期權金會贏少了(甚至倒輸), 所以我都會密切觀察大市, 一有唔妥, 馬上平倉, 食少多覺瞓.