悶局

2月19日

期指收24180升351點, 國指收14053升393點, 成交分別為62593及37041張, 總成交787.88億.

今天喝茶之時, 就聽到"肥肥"沈殿霞離世的消息, 雖然我估到她只不過是拖時間. 但事實來時始終都是不捨的.

講返大市, 因為昨晚歐股升, 日經又升, 港股一開市就跟升, 不過高位有阻力. 中午回來, 大市去到全日最高位, 不過好快就掉頭而落, 重創埋即日低位, 見此, 肯定會有一些散戶跟沽, 咁就中伏了. 講過日經, 近來好似相對地強了一些, 但不要忘記, 連弱股都升埋, 再升的幅度還有多少?

我現在仍然維持早前對大市的看法, 在21800-25200之間徘徊, 沒有明確的方向, 至於3月是向上定向下, 我現在不敢講, 但有一點可以肯定的是, 如散戶因大市悶局而沽貨, 大市會升到你唔信, 相反, 會跌到你唔信.
而我對3月份的大市初步預測是, 如果臨近匯豐(0005)公報業績前, 其股價跌而令大市下跌, 大家可以入市, 相反, 就要清倉, 甚至買認沽輪, 沽期指.