岌岌可危

近日的股市真是風起雲湧, 日升日跌, 買貨唔夠膽, 沽貨唔捨得, 左右為難, 唔知點算. 發展至今, 港股已去到關鍵時刻, 與上次低位只是咫尺之遙, 形勢真是岌岌可危, 跌穿了上年的低位, 分分鐘可以跌到17000-18000之間, 到時真是無眼睇.

現在壞消息不絕於耳, 一時又話歐豬出事, 一時又話加印歐元減債, 這幾天更有消息話歐盟會解體. 以我的愚見, 歐豬出事唔奇, 加印歐元亦是等閒, 但, 歐盟會解體, 我就打死都不信.

原因很簡單, 歐洲國家談了多少個寒暑才能歐盟真是建起來, 怎會這麼輕易就解體, 而且, 解體帶來的後遺症不是講笑的, 如歐盟解體即歐元也不會有, 那麼手握歐元的民眾會有何反應? 莫講人家, 講回自己, 如現在政府宣佈港元和美元脫勾, 會有何後果? 是不是大件事?

手握歐元的不知所措, 買了歐元債券的唔知點算, 持有歐元股票的又如何? 除非歐盟裡出現了個痴線佬或痴線婆, 否則歐盟解體絕不可能, 如真是解體, 歐洲再現戰火就不是夢話了.

港股真是多災多難, 美股有事佢有份, 歐盟有事佢又有份, 最衰就是國內股市唔知是不是吃了瀉藥, 拉肚子痾個不停, 痾到腳都軟, 想坐起身都站唔穩, 重想佢扶吓港股, 點知重比佢拖埋落水, 難兄難弟一齊跌, 比自己跌重傷.

我之前都講過, 國內股市一天不轉勢, 港股都無運行, 唔到你唔信. 很多人現在都講, 上證已跌到價值區了, 可以長線買入, 但跌到價值區並不表示不會再跌, 正如代理權話齋, 港人就是奇怪, 升追跌縮, 所以散戶鮮敢買貨的.

別人恐懼時你要貪心, 別人貪心時你要恐懼, 現在是不是別人恐懼時呢? 如你或身邊的人都恐懼, 又或有人規勸你不要玩之時, 是否時候表現你的勇氣呢?