17 Jan 2011

港股今天主要跟隨國內股市下跌, 當然也不排除本身需要整固的因素在內, 但國內股市如此疲弱, 真是難攪.

恆指收市報二萬四千一百五十七點, 下跌一百廿六點, 成交輕微減少, 不過亦保持在七百億之上. 期指高水五十七點. 上星期一港股也是下跌, 跟著連升四天, 今個星期會否如上星期?

上海又話實行房產稅, 內房股不能不跌, 成份股中也以華潤置地跌得最多, 超過三個巴仙, 不過, 本地收租股卻大幅上升, 九倉上升近二個巴仙, 最勁要算希慎, 上升超過五個巴仙, 看來有機再創新高.

可能是因加存款保證金, 今天內銀股全線下跌, 淨計內銀股已令國企指數下跌近九十點, 而跌得最多是建行, 超過二個巴仙, 似乎內銀股會再弱一段時間.

我相信調整到二萬三千八百至二萬四千點已經足夠, 之後應會再次挑戰上年高位, 亦即二萬四千九百八十八點.