不可太得意

希臘債務得到「解決」, 恆指在午後發力, 企穩在二萬五千點收市, 引申波幅回落, 所以揸了窩輪及期權的朋友, 就算睇中方向都會賺少咗, 更遑論看錯方向的了. 恆指雖升, 但成交並不配合, 因此不可太得意,

希臘問題看似解決, 實質手尾依然長, 一個人如果沒有賺錢的能力, 你叫佢點慳都唔得, 始終他還不起錢, 債務危機仍會困擾歐元區, 所以當知道達成協議後, 歐元只能短暫上升, 現在倒跌, 正好反映問題並未解決,

中共出盡方法救市, 已經到了竭澤而漁的地步, 外國人之前已對中共股市心存疑慮, 現在更加不敢輕易入局, 再觀察滬港通就因知曉, 而深港通一定會在今年實行, 這對中共有利的政策, 中共不會輕易放棄, 不過, 外國人或港人未必會落疊, 中共的如意算盤未必能打響,

有網友問起我對期指的看法, 之前我都玩開期指, 不過太刺激, 我頂唔順, 所以轉而玩期權, 期指與期權都是零和遊戲, 不過期指一看錯就會輸, 期權則有可能仍會贏, 事關可賺時間值, 期指風險大得多,

不過勝在快, 賺三二點都可走人, 而且不如期權, 期指流通性更大, 極少出現沒承接的現象, 大家玩過期權都知, 若買太價外的, 又或平太價外的, 隨時要叫莊家開價, 咁就一定個價唔靚, 而且期指有引申波幅要考慮, 太高引申波幅對買家不利, 而期指就沒有這方面的問題,

總之, 期指是極高風險的東西, 隨時可以輸身家, 在八七股災時, 多少人因炒期指而輸清光不特止, 更要坐牢的, 大有人在, 所以玩期指前, 必須考慮清楚, 自身能否承受, 就算仔細考慮後可玩, 也要量力而為, 不可有賭身家的心理, 最好的, 就是均注, 即不可因輸或贏了, 而加大注碼, 好多時, 輸到七彩都是緣於此,

要知道一張大期, 現水平來計, 等於一百二十五萬元, 而按金只需九萬左右, 槓桿超過十三倍, 如果你只有十萬買一張, 若輸四百點左右, 就會被追孖展, 補不了倉, 就會被斬倉, 像玩牛熊證, 縱然之後轉方向到你有利的一方, 你都只能眼光光,, 四百點以近日的市況來說, 易過借火,

所以我會叫有興趣玩期指的朋友, 先以細期來玩, 而且最好盡量不要過夜, 初期玩, 純粹是玩感覺. 當然, 紙上操作是最好, 不過, 最好都當是用錢玩, 不妨自己同自己玩, 輸了將輸的投入錢罌, 以作警示.