中共暴力救市, 救出個大頭佛出來, 昨天一跌, 上證就了超過八巴仙, 今天也要下跌近二巴仙, 差不多將之前救市的升幅全部抹煞, 中共相信權力, 認為什麼事都可控制, 不知是天真還是無知, 以收回香港的自信, 到攪到香港五勞七傷, 就知中共之無能, 尤其對於經濟, 中共更是門外漢, 李克強自己讀經濟, 卻不懂經濟, 可笑, 又是一個溫家寶式的「符碌」人物,
中共的救市根本是亂來, 不懂裝懂, 而且更是手尾長, 你中共救市, 但大媽就對你沒有信心, 於是你買佢沽, 而且大媽乃是股市的主力軍, 佢哋對你沒有信心, 講乜都假,
其實上證指數在上星期五剛好碰到三十天線就回, 你中共加把力將之升穿及企定收市為止, 咁就加強大媽的信心啦, 要知道大媽對三十天線比較敏感, 升穿就認為好, 跌穿認為不好.
正如六月十九日跌穿三十天線後, 當時上證收在四千四百七十八點, 跟住就到今個月的低位三千三百七十三點, 足足跌去一千一百多點, 即跌了超過二十巴仙, 與今天的收市價也跌去八百多點, 即十八巴仙, 連這點都做不到, 講什麼救市, 當然, 中共當局可能根本就唔知, 因他們都不是炒家,
而中共衰唔緊要, 最攞命的是, 攪到香港都無運行, 嚴重扭曲了香港股市的韻律, 跟中共股市一樣, 用技術分析、基本分析都判斷唔到出入市, 所以現在的股民都傾向短線炒作, 就好像我們打牌一樣, 寧食雞糊唔做牌, 個個搶糊, 你手慢啲都死, 點攪? 點樣價值投資?
之前我已講過中共股市是大騙局, 目的是想將人民手上的金錢都套出來, 當然股民信不信又是另外一件事, 但我深信中共股市已經玩完.
至此, 中共經濟唔得, 樓市唔得, 股市唔得, 只待美國加息, 餘下的人民幣也將崩潰.
婆婆,我陰謀論少少,如果美國讓人民幣自由化,上証到達新高,先去搞天朝,等如當日對付日本仔一樣,令佢衰幾十年,美帝可以更加鞏固自己係金融霸主地位,唔係仲好咩???
回覆刪除正路來講無錯, 可惜中共攪到股市出現極度波動, 外國人也對中共股市心存疑慮, 對它的熱情也冷卻不少, 中共應該不會在短期內將股市公開, 最多都是開通埋深港通就算, 而美國加息不為其他, 主要是對着人民幣, 若中共頂唔住, 人民幣一貶, 等於最後一根稻草就無埋, 到時不堪設想.
回覆刪除婆婆，可唔可以推薦一本適合期權新手睇的書，我開始對期權有興趣。
回覆刪除Stephen, 可找8仔寫的 : 《地踎發行商 : 股票期權賺錢說明書》, 這本書我時常看, 很貼近實際, 之前在圖書館很易借到, 不知現在是否有人識得是寶, 又或是其他原因, 現在已很難借, 你可以付二元五角訂, 等看完了, 覺得好再買都未遲, 買都不貴, 只需八十八元, 好過你看其他. 尤其是什麼期權教室的, 之前講的歐陽一心, 又或是另一個, 借來看可以, 買就無謂了.
回覆刪除等你看過後, 而更有興趣, 才再看其他的, 尤其是外國人寫的. 比較深.
謝謝婆婆
回覆刪除