不要衝擊法治

中共真是不知所謂, 竟然查到星加坡, 人家沽空你是否不可以? 香港就沉淪到被你管, 星加坡是否你的一個省? 如果你可以查星加坡, 咁不如查下美國啦, 大鱷都在美國, 到時你又可以說帝國主義亡你之心不死, 乾淨俐落的藉口.

你咁驚被人沽空, 你就不要開放市場啦, 攪什麼QDII? 連滬港通都摺埋啦, 關埋門自己玩囉, 到時你想升就升, 想跌就可以跌, 是否更好呢?

人家賺錢唔俾沽, 蝕錢又唔俾沽, 人家投資來做什麼? 是為了賺錢, 賺錢沽貨天經地義, 為何要阻止? 蝕了錢想些蝕, 又唔得, 咁越跌越多之時, 是否你中共賠俾人?

黐孖筋, 中共簡直是腦殘, 唔識又扮識, 中證監腦殘是理所當然, 你咁攪法, 之後搵鬼玩你個股市, 莫講外國人唔玩, 想必連大陸人都唔玩.

而且你怕人沽空, 你就不要攪什麼融資融券, 期貨買賣啦, 都叫你實行只准買不准沽, 又或買股後若干時日沽出, 就要打重稅囉. 一句話就是只准升不准跌, 但, 要認真來說, 沽空你的, 是否只是外國人, 不要忘記, 大陸股民才是股市的主力, 大媽唔肯上當, 你攪什麼都是徒然.

法官據稱被恐嚇, 這是嚴重的指控, 我們不能輕視, 香港的極核心價值是法治, 不管你對法庭的裁決滿不滿意, 也不可對法官做出不應該的行動, 也不可衝擊法庭, 否則破壞了香港的法治, 對香港只有壞處而沒有好處,

更重要的是, 有些如狼似虎的人是樂於你衝擊法治精神的, 你們衝擊, 就中了他的陰謀, 所以年輕人不可對香港的法治衝擊, 若香港的法治真是受到破壞, 相信中共最高興, 它在港的代言人也會高興.