升唔穿就跌

一段日子沒有講股市, 而是講了其他事, 相信網友都有些煩我, 事關那些東西, 大家未必喜歡聽, 所以今天就再講回正行.

大市踏入七月份無異比五六月的走勢好, 至少無話一路跌, 上星期更一度上穿二百五十天線, 可惜未能企穩, 而上星期曾試穿二萬二千八百點不果, 正所謂不升則跌, 今天恆指就來個下跌, 而且跌得幾深. 未知收市又如何.

我認為現在是震盪市, 升升跌跌, 當大家以為好時入市, 點知又再探底, 以為會下跌時, 個市又回升, 所以企錯邊都會好傷. 不過, 上次的低位在短期內應該不會跌穿, 所以無貨者, 在跌近二萬二千點不妨買入, 一於儲貨到佢升.

現在大籃籌明顯受壓, 而且諸多灸利藉口, 所以跌到阿媽都唔認得, 買入這些股份需有心理準備, 坐貨的時間會長一些, 但, 黑暗消失後, 帶動大市回升高位的, 必定是這些股份.