與友人對話 (二)

10月29日

期指收12708升262點, 國期收5766升96點, 成交136565及94481張, 總成交592.28億

今天大市繼續反彈, 曾經突破13000點, 可惜後勁不足, 重曾轉跌, 收市前回升, 成交依然不多. 今天有部份股票轉升為跌, 短炒持貨者, 而有利潤的, 宜守緊止賺位.

之前引述的談話, 今天繼續

"你點睇而家個市, 同之前的跌市有什麼不同?"

"太遠的就不講了, 講回歸之後啦, 97年亞洲金融風暴同今次好相同, 97年時, 人人沉醉在回歸的亢奮中, 一個浪打埋嚟, 攪到d人唔知點算, 不過那時只是一個警告, 最大殺傷力反為是到了98年才真的到來, 就好似上年人人買股, 通街股神, 到了11月初, 直通車無了, 都是一個警號, 到今年才真正殺人. 03年沙士又唔同, 在那時, 通街負資產, 有幾多人會買股, 而沙士是衰上加衰, 嗰時是由17層地獄去到18層, 而97, 98年同今年就是由天堂落到地獄, 感覺完全唔一樣."

"咁, 是否意味明年就會開始好?"

"好難估, 又最怕的是, 今次是龍頭出事, 唔理你對美國喜不喜歡, 它現時仍是世界霸主, 美元始終是單一最信得過的貨幣, 軍力依然是它最強. 佢一日好唔起來, 其他的地方想好都難. 而它何時會好返起來, 連佢自己都唔知. 所以現在話明年會好, 不如希望最壞時刻會在今年出現, 明年開始穩定重實際."

"你認為政府可以做什麼來令香港快d復甦, 你又點睇近期的迷債事件?"

"先講迷債, 我認為政府唔應該理迷債, 這是商業行為, 買了的人如果覺得被騙, 可以告到法庭, 由法庭判決, 如果銀行真有不當行為, 它是會賠償. 相反, 如果政府插手, 會比一些人認為有什麼事都有政府負責, 以後做買賣時就不會細心分析. 講開政府干預, 唔知你同不同意, 回歸後, 市民普遍倚賴政府, 特區政府又倚賴中國政府, 以前, 殖民地政府雖不是獨立, 但好多嘢都是自己顧自己, 英國政府沒有理我們, 亦沒有干預我們太多, 之前只有我們打救它, 現在我們事事都要阿爺照, 你要人家照顧, 當然就要聽命於人啦. 以前我們身處殖民地, 人人拚命賺錢, 自力更新, 幾時會話倚靠政府? 重有, 特區政府事事都要倚靠阿爺, 做樣樣嘢都要阿爺同意, 等阿爺表態, 阿爺一日唔表態唔拍板, 特區政府都唔敢郁, 但, 其實好多嘢不是我們要佢地教, 而是佢地向我們學."

"哦, 詳細d."

"現在的商業模式, 是什麼模式, 是英國佬的模式, 或者是西方模式, 人地玩咗2, 3百年, 中國又如何, 開放改革30年, 我哋跟住英國佬, 由割比英國開始, 我哋就是國際城市, 當然早期比不上上海, 但一百年前我們已經有買辦, 不論是中是洋的都有. 外國的銀行、商業、金融操作, 我們都比中國政府熟悉, 點解重要中國政府來指點我們? 由78年開始, 就是我們教國內, 現在國內是有了錢, 不過, 要跟我們學的東西還有許多, 香港人不應妄自菲薄, 以為什麼都不如國內人, 真的當自己是港燦. 我們是特區, 什麼是特區? 同國內不同, 我們有的, 他們沒有, 普唔普選暫時不要理, 反正佢地唔比, 咁我們就攪其他的. 要做國際城市唔係講就得的, 是要做的, 什麼是國際城市, 人哋紐約倫敦有什麼? 巴黎東京又有什麼? 唔係有幾個外國人嚟就是的. 好像之前講, 會同俄羅斯互相免簽證, 點知又有個人話驚俄羅斯妹來賣淫, 你話係米痴線? 其實不單同俄羅斯, 其他東歐、南美國家都要傾, 越快越好, 傾埋非洲都唔驅. 這才是開放, 國際城市的大門就是要開放的, 比不同的人, 講得誇張d, 就算是塔理班要來, 只要不是嚟放炸彈, 都歡迎他們來."

"......."

"至於做什麼可以令香港快d復甦? 始終都要美國先穩定下來, 我們才可以好, 特區成立11年, 亦白白浪費了11年的時間, 之前的金融風暴沒有吸取教訓, 痛定思痛, 現在又一個更大的浪打過來, 只好坐以待斃. 我的意見都是還原基本步, 我們可以在服務業及旅遊業落多d心機, 金融唔係唔攪, 而不是攪個金融大賭場出來, 產品要完善d及多d, 吸引多d海外資產來, 例如, 吸引d國內、剛開放發展的國家富翁來投資, 比多d稅務優惠等等."

"你話服務及旅遊可以做多d, 點做?"

"設立多d景點, 尤其是中國特色的景點, 再配合高水準及衛生的食物, 你睇人哋東京都有好多米芝蓮等級的餐館, 香港有多少? 做幾隻帆船出來, 帶d遊客遊維港, 品嚐中國各省的食物, 這個所費無幾, 又有即時效果, 何樂而不為?"

"嗯"

"又例如, 找一二個小島, 反正我們小島多得是, 造個天體島, 比世界各地喜歡天體的人士來玩, 又可以特別為同性戀者攪婚姻合法, 他/她們在香港的資產受到香港法例保障, 即是他/她們的另一半可以承受財產, 這個更加是成本少, 回報多的舉動."

"吓, 天體島, 同性戀合法?"

"您一定唔接受, 但, 我們的思想要向前一點, 人家新加坡之前不准賣淫, 現在不是可以嗎? 如果比他們快一步, 我們就好被動了"

明天還有最後一段, 是關於對股份的看法.